ما تخافش صاحبي، انت ديما في ثنيتي

ما تخافش صاحبي، انت ديما في ثنيتي
تونيزياليكس: 

حريفنا الكريم.. لا لا هاذي ڨديمة! ندخلو طول في الموضوع!

قاعدين يجيونا برشة تاليفونات يقولولنا الي ما نجموش يريزيرفيو تاكسي سكوتور في بعض المناطق.

نشكروكم برشة على هالاقبال الكبير والاهتمام. جوست للتذكير، فإنو انطلاقا ماليوم وحتى لخمسطاش ديسمبر احنا في بث تجريبي.

شمعناها بث تجريبي؟ يعني كل يوم في بلاصة نجيبو جزء من موطوراتنا ونحطوهم على ذمة حرفاء البلاصة هاذيكا بش يجربو السيرفيس متاعنا ويعطيونا رايهم فيه وهكاكة نحسنو الخدمات متاعنا قد ما انجمو قبل الانطلاق الرسمي في خمسطاش ديسمبر.

اليوم البث التجريبي في العوينة واللاك والايامات الجايين ماشين لاريانة وتونس العاصمة وغيرهم. وتو كل يوم نعلموكم مسبقا بالمكان متاعنا.

حاليا كل يوم بلاصة جديدة وانطلاقا من خمسطاش ديسمبر في كامل ولايات تونس الكبرى. دار دار. زنڤة زنڤة. شبر شبر

بي اس: سامحونا عالڤرافيك الي عالحيط عاد نظرا لضيق الوقت. 

ما تخافش صاحبي، انت ديما في ثنيتي